獸醫Dr. Erik：破解常見寵物飼養迷思，讓你成為更可靠嘅寵物主人
哈囉，大家好！我係 Dr. Erik，Precious Pet Clinic 嘅主診獸醫。不經不覺我已經成為獸醫十多年，獸醫工作雖然繁重，但睇到香港既寵物主人對毛孩健康嘅重視度一直提高，給予我很大嘅工作動力及使命感。近年社交媒體嘅發達，讓寵物健康資訊傳播得更廣，但同時亦充斥著許多不準確或誤導嘅資訊。身為獸醫，我深感有責任為各位主人提供更正確、更專業嘅知識，讓每位毛孩都能得到最完善嘅照顧。
所以我決定開設 My Petcious 寵物網店，目嘅除了提供優質、合適、可靠嘅寵物用品外，也想透過網店嘅平台向主人分享實用嘅寵物資訊，令每個寵物主人都成為更稱職更可靠嘅主人。
作為網店嘅第一篇內容，我想分享一下我在診症時經常會面對主人經常提問嘅幾個問題。
寵物需要經常沖涼？ (狗狗沖涼、貓咪護理、寵物清潔)
其實狗狗皮膚比較脆弱，太頻繁嘅洗澡可能會洗走皮膚上嘅油脂，令到皮膚更加乾燥易敏感，所以主人應該根據實際情況決定洗澡頻率，一般來說大概3至4週沖一次就可以，當然如果狗狗經常出門或發出濃烈體味就可以增加沖涼嘅頻率。
而貓咪好多都怕水，好容易因為壓力引發其他疾病，所以一般情況都不需要沖涼，就算真係要沖都要好好留意住貓貓情況，例如呼吸急促/困難，精神狀況，避免耳仔入水、飲到沖涼水。
雖然毛孩不需要經常沖涼，但主人都需要定期為毛孩梳毛，無論毛孩是長毛定短毛，以免毛髮打結亦有助皮膚整潔健康。(寵物梳理)
家中寵物不出門，就唔需要杜蟲/蚤？ (寵物杜蟲、寵物寄生蟲)
許多寵物主人都有呢個迷思，認為只要毛孩足不出戶，就不會有感染寄生蟲嘅風險。但事實上，即使你嘅寵物很少外出，你仍然有可能在不知不覺中將寄生蟲帶返屋企。例如，你可能在戶外沾染了寄生蟲卵，然後透過鞋子或衣物帶返屋企。此外，寵物也可能透過食物（例如生肉）或接觸其他可能帶有寄生蟲嘅動物而感染。
定期杜蟲對於寵物健康嘅重要性 (獸醫資訊、寵物保健)
定期為寵物進行杜蟲，是確保牠們健康嘅重要一環。寄生蟲不僅會影響寵物嘅消化系統，還可能導致貧血、皮膚病，甚至更嚴重嘅疾病。因此，我們強烈建議所有寵物主人諮詢專業獸醫，了解最適合自己毛孩嘅杜蟲計劃。獸醫會根據寵物嘅年齡、品種、生活習慣等因素，推薦合適嘅杜蟲藥物和頻率。請務必按照獸醫嘅指示，按時給予寵物藥物，以確保牠們免受寄生蟲嘅侵害。
隨意餵食或給予過多零食 (寵物餵食、寵物零食、寵物飲食)
好多寵物主人會因為寵物可愛嘅眼神或者撒嬌而心軟，無限制地餵食或給予過多零食。但其實咁樣做會對寵物嘅健康造成負面影響。
首先，過量餵食會導致寵物過重，增加患上糖尿病、心臟病等疾病嘅風險。其次，過多零食會令寵物不願意食正餐，導致營養不均衡，影響生長發育。另外，隨意餵食人類食物可能會導致寵物中毒，因為有些食物對人類無害，但對寵物卻可能有毒。
因此，主人應該嚴格控制寵物嘅食量，按照獸醫嘅建議餵食適合寵物年齡、品種和活動量嘅食物。零食可以作為獎勵，但份量一定要適可而止。最重要嘅是，不要隨意餵食人類食物，確保寵物嘅飲食健康。
以上係幾個我遇到常見嘅誤解或問題，我將會同團隊透過呢個平台分享更加多嘅寵物資訊請關注我哋IG同Facebook取得寵物健康第一手資訊。